Sonnet CXXX

Би Шекспир шиг сэтгээд байна уу? эсвэл Шекспир над шиг бодоод байна уу? Аль эсвэл бид хоёр тийм адилхан байна уу? За за аль нь ч бай хамаагүй. . .

Дурласан бүсгүйн минь нүд нар шиг гялбам биш,

Уруулын нь улаан тодхон шүрийг гүйцэхгүй ээ.

Түүнийхээ цээжийг би цаснаас цагаан хэмээж ч,

Үсийг нь хар торгоноос илүү гэж ч хэлэхгүй ээ.

Улаан ч, цагаан ч Дамаскын сарнайг бишгүй л харсан

Хацрынх нь өнгө тэдгээр сарнайнхтай жишихээр биш.

Учралт хонгорын минь амьсгалах үнэрээс, үнэндээ

Хаврын цэцэгсийн анхилан хол илүү санагдсан
Тэр бүсгүйн яриаг чагнан суух дуртай ч би
Илүү тааламжит аялгуутай хөгжмийг мэднэ ээ.
Тэнгэрийн дагинас яаж нисдгийг би хараагүй,
Энхрий хонгор минь ердөө л газраар алхдаг.
Гэлээ ч, хувь золоор учирсан тэр минь наддаа 
Гэрэлт хорвоо дээр юутай ч эгнэшгүй онцгой.

Г. Аюурзана - "Дэлхийн сонгомол яруу найраг" номноос