Thursday, September 26, 2013

Хоёр нийтлэл



Нэг

Нэг ийм нийтлэл уншаад их сайхан санагдав. Тэгээд аавын минь дуулдаг байдал... бас чи бодогдов. Нэг ийм дуу байдаг даа.

Д.Пүрэвдорж    Сумын наадам

Суусрын гүйдэлт салхин шанхаар наадан сэвэлзсэнээс
Суурь хөлгөн асрын шашир цацаг дэрвээ юу
Сумын наадмын дэвжээг өдөржин тойрох морьтноос
Суран жолоо атгасан өнгийн цэцэг ургаа юу
Дурлал гээч нь намайг бас л дахин жаргаахаар
Дугариг цагаан царайгаар наран дороос мишээв үү
Дулаан амьсгалд дасаалгүй бас л дахин зовоохоор
Дун цагаан шүдээр наадамч дундаас инээв үү
Хайр гээч нь намайг бас л дахин жаргаахаар
Хайлган цайлган сэтгэлтэй хүний үртэй учруулав уу
Халуун дэрний хавьд бас л дахин зовоохоор
Хадамд очсон бэртэй хүнээс далдуур уулзуулав уу
Хүсэл гээч нь намайг бас л дахин жаргаахаар
Хүүхэн ялдам хонгорын ангир цээжийг түшүүлэв үү
Хүний хүнтэй дасгаж бас л дахин зовоохоор
Хүрэн шандан тэрлэгний суман хормой шүргүүлэв үү
Учрал гээч нь намайг бас л дахин жаргаахаар
Уруулын халуун амсраар зүрхний балыг шимүүлэв үү
Уураг цээжний хагацалд бас л дахин зовоохоор
Улаан чулуун бэлзэг ядам хуруунд зүүлгэв үү
Борви нугалах хэвтэргүй борхон туулай хөөрхий
Бохирон жиргэх мөчиргүй болжмор шувуу хөөрхий
Больё гэвч болихгүй борхон зүрх минь хөөрхий
Болъё гэвч болохгүй богинохон заяа минь хөөрхий
Суусрын гүйдэлт салхин шанхаар наадан сэвэлзсэнээс
Суурь хөлгөн асрын шашир цацаг дэрвээ юу
Сумын наадмын дэвжээг өдөржин тойрох морьтноос
Суран жолоо атгасан өнгийн цэцэг ургаа юу

http://www.youtube.com/watch?v=ZGiJ-27TvTQ
Монгол дуу олддоггүй энэ Ютүбээс оруулдаг хэсэгт нь.

Хоёр

Бас нэг ийм юм. 

Монголын метал хөгжмийн түүхийн талаар. Их сонирхолтой санагдлаа. 


Бурзум сонссон чинь гэнэт эрч хүч орж ирэв. Бурзум гэснээс Варгын нэг ийм нийтлэлийг уншлаа



Monday, September 23, 2013

///

Тэнэг наасан... Хардаж энэ тэр... Яахлаараа ийм тэнэг болчихдог байна аа... Угтаа надад огт хамаагүй, бүр ямар ч падлийгүй гэж бодож явсан минь саяхансан...

Хөгийн юмаа... Дэндүү сул, дорой байна...
Дахиж хэзээ ч мсж бичихгүй. Дахиж хэзээ ч залгахгүй гэсэн хаа байна? Худлаа наасан

Хөгийн амьтан ч юм даа би... 

Sunday, September 8, 2013

Исгэлэн...

Өнгөрсөн таван сарын хорин есөнд
Өвч бүрэн бүтнээрээ норлоо
Өмд, цамц, гутал гээд
Өмсөж байсан бүхэнтэйгээ шалба норлоо

Арван оны зуны дунд сар
Аадарт цохиулж шалба норсонсон
Азаар... нэгдүгээр эмнэлгийн манаач оруулж
Арайхийж нэг нөмөр олсонсон

Тэгэхэд уусан
Тэр шүүсний амт
Тэр мөхөөлдөсний амт
Одоо ч аманд исгэлэн хэвээр...

Saturday, September 7, 2013

2:39, Их үд, Ням

Маркс, Спенсерийн цагаан цамц
Зах нь халтайчихсан
Угаагаад нэмэргүй
Хаячихья гэхээр хайран

Хаяахад хайран
Авахад хэцүү...